Բժշկական համալսարանի ռեկտոր Արմեն Մուրադյանն ահազանգում է անչափահասների մոտ ատամնացավից առաջացած բարդությունների մասին։ Իր ֆեյսբուքյան էջում նա գրել է․
«Հարգելի ծնողներ, ևս մեկ անգամ եղե՛ք իրազեկված։ Նկարում պատկերված 12-ամյա փոքրիկի մոտ պարզ ատամնացավից առաջացած բարդություն է: Օրեր շարունակ ընդունել են ոչ արդյունավետ դեղամիջոցներ, սակայն…
Նման դեպքերը խիստ վտանգավոր են և լի կյանքին վտանգ ներկայացնող մի շարք բարդություններով։ Եղե՛ք զգոն, նույնիսկ պարզ ատամնացավի դեպքում անհապաղ դիմել մանկական ստոմատոլոգի, բացառել ցավազրկողների անհիմն երկարատև օգտագործումը։
Բարեբախտաբար փոքրիկը բարեհաջող վիրահատվել է «Մուրացան» համալսարանական հիվանդանոցի Մանկական դիմածնոտային վիրաբուժության և ԼՕՌ կլինիկայում: Գտնվում է հետվիրահատական բուժման փուլում, կյանքին վտանգ չի սպառնում»:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
