Ավստրալիայի պաշտպանության նախարար Փիտեր Դաթոնը «ագրեսիայի ակտ» է անվանել չինական հետախուզական նավի ներկայությունը Արեւմտյան Ավստրալիայի ափերի մոտ, տեղեկացրել է Reuters-ը։
Անցած շաբաթ Ավստրալիան հետախուզական նավ էր նկատել, երբ այն մոտենում էր Էքսմութի Հարոլդ Է. Հոլթի կապի ռազմածովային կայանին, որն օգտագործում են ավստրալական, ամերիկյան եւ դաշնակից երկրների սուզանավերը։
«Ես կարծում եմ, որ սա ագրեսիայի ակտ է։ Հատկապես այն պատճառով, որ նավն այդքան խորացել է դեպի հարավ»,- ասել է Դաթոնը մամուլի ասուլիսում։ «Այն Ավստրալիայի արեւմտյան ափի ռազմական եւ հետախուզական օբյեկտներին շատ մոտ է եղել»։
Ավստրալիայում մայիսի 21-ին տեղի են ունենալու ազգային ընտրություններ, եւ պնդումները Չինաստանի կողմից ազգային անվտանգության սպառնալիքների մասին ընտրարշավի գլխավոր թեման են դարձել։
Վերջին տարիներին Չինաստանի ՌԾՈւ նավերը մի քանի անգամ նկատվել են Ավստրալիայի հյուսիսային եւ արեւելյան ափերին։
Ավստրալիայի պաշտպանության նախարարությունը հայտարարությունում տեղեկացրել է, որ Haiwangxing անունը կրող Dongdiao դասի օժանդակ հետախուզական նավը շարժվում էր արեւելյան ափով եւ մայիսի 6-ին հատել է Ավստրալիայի արգելված տնտեսական գոտին, իսկ մայիսի 11-ին 50 ծովային մղոն հեռավորությամբ մոտեցել է կապի կայանին։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
