Հայաստանի նախագահ Սերժ Սարգսյանն, այսօր՝ սեպտեմբերի 10-ին, ցավակցական հեռագիր է հղել Իրանի Իսլամական Հանրապետության նախագահ Հասան Ռոհանիին՝ Թեհրան-Ղում ավտոճանապարհին տեղի ունեցած խոշոր ավտովթարի կապակցությամբ, որը մի քանի տասնյակ անմեղ զոհերի եւ վիրավորների պատճառ է դարձել:
«Կիսելով Ձեր եւ Իրանի բարեկամ ժողովրդի վիշտը` խորին ցավակցություն եւ զորակցություն եմ հայտնում Ձեզ, զոհվածների ընտանիքներին եւ Իրանի ժողովրդին` մաղթելով տոկունություն եւ ոգու արիություն, իսկ վիրավորներին՝ շուտափույթ ապաքինում»,-ասված է ՀՀ նախագահի ցավակցական հեռագրում։
