Փաստաբանների պալատի նախագահի այսօրվա ընտրություններին մասնակցել են արդեն բոլոր երեք թեկնածուները և նախկին նախագահը:
Նախկին նախագահ Ռուբեն Սահակյանը լրագրողների հետ զրույցում նշեց, որ ինքը բոլորից լավ գիտի պալատի թերությունները և հույս հայտնեց, որ նորընտիր նախագահը կշտկի և աշխատանքներ կտանի այդ ուղղությամբ: Նա նաև նշեց, որ համոզված է, որ նախագահն իրենից լավ է աշխատելու:
Իր ընտրությունը կատարելուց հետո լրագրողների հարցերին պատասխանեց նաև թեկնածու Արա Զոհրաբյանը: «Այս ընտրություններով մեր փաստաբանները պետք է ցույց տան, որ մեր ընտրություններն անցնում են նորմալ, մեզ մոտ փաստաբանության հեղինակությունը պետք է բարձրանա: Ակնկալիքներս սրանք են», - նշեց նա:
Նա նաև կարծիք հայտնեց, որ օրենքում պետք է փոփոխություններ կատարել և թեկնածուները զրկվեն ընտրություն կատարելու հնարավորությունից, քանի որ նրանք ինքնին շահագրգիռ անձինք են:
«Այսօր մասնակցեցի, քանի որ այդպես էր նախատեսված և իմ չմասնակցելը կդիտվեր որպես արհամարհանք», - նշեց նա, հավելելով, որ ով էլ ընտրվի ՓՊ նախագահ, պետք է կարողանա պահպանել ձեռքբերումները և շտկել թերությունները:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
