Թուրքիայում երկրաշարժի հետևանքով զոհվածների թիվը հասել է 12391-ի, հայտնում է տեղական Anadolu գործակալությունը՝ վկայակոչելով Արտակարգ իրավիճակների վարչությանը (AFAD):

«Հյուրիեթ» թերթը, վկայակոչելով նույն գերատեսչությանը, նշում է, որ վիրավորների թիվը հասել է գրեթե 63 հազարի։

Հիշեցնենք, որ փետրվարի 6-ի վաղ առավոտյան 7,7 մագնիտուդով երկրաշարժ է տեղի ունեցել Քահրամանմարաշ նահանգում։ Ինչպես նշել է Էրդողանը, այն դարձել է ամենաուժեղը 1939 թվականից ի վեր։ Դրան հաջորդել են երեք տասնյակ հետցնցումներ, իսկ օրվա կեսին՝ 7,6 մագնիտուդով եւս մեկ երկրաշարժ։ Թուրքիայում ցնցումները շարունակվում են արդեն երեք օր։

Երկրում 7-օրյա համազգային սուգ է հայտարարվել, իսկ աղետից տուժած տասը նահանգներում երեք ամսով արտակարգ դրություն է մտցվել։

Երկրաշարժը տուժել է նաև Սիրիայում՝ Հալեպ, Լաթաքիա, Համա և Տարտուս նահանգներում։ Տեղի առողջապահության նախարարության վերջին տվյալների համաձայն՝ ավելի քան 1200 մարդ մահացել է, ավելի քան երկու հազարը՝ վիրավորվել։