Գերմանիայի Կոտբուս քաղաքում ընթացող սպորտային մարմնամարզության աշխարհի գավաթի խաղարկության առաջին փուլում օլիմպիական բրոնզե մեդալակիր, աշխարհի եւ Եվրոպայի չեմպիոն Արթուր Դավթյանը գերազանց մրցելույթ ունեցավ հենացատկի եզրափակիչում եւ նվաճեց հաղթողի կոչումը։
Հիշեցնենք, որ փետրվարի 25-ին Հայաստանի թիմից Գագիկ Խաչիկյանը նժույգ թափերի վարժությունում գրավել էր երկրորդ տեղը (14.833 միավոր), Արթուր Ավետիսյանը՝ երրորդ տեղը օղակների վարժությունում (14.533 միավոր)։ Վահագն Դավթյանը օղակների վարժությունում չորրորդն էր՝ 14.500:
Աշխարհի գավաթի փուլերը վարկանիշային են աշխարհի առաջնության առանձին գործիքների մրցման համար, որտեղ վիճարկվելու են Փարիզի Օլիմպիական խաղերի ուղեգրեր։
Աշխարհի գավաթի երկրորդ փուլը տեղի է ունենալու անմիջապես Կոտբուսից հետո, Դոհայում։ Երրորդ փուլը Բաքվում է, որին Հայաստանի հավաքականը չի մասնակցի։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
