Շվեդիայի հավաքականի եւ «Միլանի» հարձակվող Զլատան Իբրահիմովիչը դարձավ Եվրոպայի առաջնության ընտրական մրցաշարին մասնակցած ավագագույն ֆուտբոլիստը պատմության մեջ։

Բելգիայի թիմի դեմ խաղում Իբրահիմովիչը փոխարինման դուրս եկավ 73-րդ րոպեին 41 տարեկան եւ 172 օրականում։


Շվեդիան բելգիացիներին պարտվել է 0:3 հաշվով։ Հեթ-տրիկի հեղինակ է դարձել Միլանի «Ինտերի» հարձակվող Ռոմելու Լուկակուն։

Իբրահիմովիչը գերազանցել է Իտալիայի հավաքականի նախկին դարպասապահ Դինո Ձոֆի ռեկորդը, որը 1983 թվականին Շվեդիայի հավաքականի դեմ խաղացել է 41 տարեկան եւ 3 ամսականում։

Իբրահիմովիչը Շվեդիայի հավաքականում անցկացրել է 122 հանդիպում, խփել է 62 գոլ։