«Քաղաքացիական պայմանագիր» խմբակցության պատգամավոր, ԱԺ պաշտպանության և անվտանգության հարցերի մշտական հանձնաժողովի նախագահի տեղակալ Արմեն Խաչատրյանի խոսքով՝ երեկ Տեղ գյուղում ադրբեջանական կողմի հրահրած սադրանքի հետևանքով սկսված մարտական գործողությունները դադարեցվել են երկու երկրների ուժային գերատեսչությունների ներկայացուցիչների բանակցությունների արդյունքում։

Ըստ նրա՝ բանակցությունների ընթացքում հարցը դրվել է հետևյալ կերպ․ «Շարունակո՞ւմ են կռվել, զոհեր տալ, և դա վերաճում է պատերազմի, թե՞ դադարեցնում են մարտերը։ Որոշել են դադարեցնել»:

Իրավիճակի կայունացման համար, նրա խոսքով, որևէ երաշխիք չկա․ ադրբեջանական կողմն ամեն վայրկյան կարող է գնալ էսկալացիայի ճանապարհով․ «Մերոնք ինժեներական աշխատանքներ են իրականացնում այդ հատվածում, որն էլ կոշտ խնդիրներ է առաջացնում, և դրա ընթացքում ամեն ինչ կարող է լինել»։