Վաշինգտոնյան բանակցությունները գործնական դրական արդյունք են տվել։ Փաստաթղթի շուրջ համաձայնեցված կետերի թիվն ավելացել է, գրում են ադրբեջանական լրատվամիջոցները։ Այս մասին հայտարարել է Ադրբեջանի ԱԳ նախարար Ջեյհուն Բայրամովը:
«Բայց բաց հարցերը դեռ մնում են։ Որոշ կետերի վերաբերյալ ամբողջական համաձայնեցում ձեռք չի բերվել, ուստի գործընթացը կշարունակվի»,-ասել է նա։
Բայրամովը հայտնել է, որ առաջիկայում հերթական հանդիպումը նախատեսված է Վաշինգտոնում: «Դուք գիտեք, որ խաղաղության պայմանագրի շուրջ բանակցությունների մեկնարկը ադրբեջանական կողմի նախաձեռնությունն է, հիմնարար սկզբունքները հռչակվել են Ադրբեջանի կողմից, խաղաղության պայմանագրի առաջին նախագիծը ներկայացվել է Ադրբեջանի կողմից։ Մենք անխուսափելի ենք համարում միջազգային իրավունքին եւ սկզբունքներին համապատասխան խաղաղության հասնելը։ Պետք է պատրաստվի եւ ստորագրվի հաշտության պայմանագիր եւ միջպետական հարաբերությունների կարգավորման մասին համաձայնագիր։ Անհնար է կանխատեսել, թե որքան ժամանակ կպահանջի այդ գործընթացը»,-ասել է նա։
Ավելի վաղ խաղաղության համաձայնագրի «անխուսափելիության» մասին հայտարարել է Ադրբեջանի նախագահ Իլհամ Ալիեւը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
