Մինչ միասնական տոմսային համակարգի ներդրումը, Երեւանի ավտոբուսային երկու երթուղիներում մետաղադրամներ ընդունող նոր սարք է տեղադրվել: Այս մասին NEWS.am-ը տեղեկանում է Երեւանի քաղաքապետարանից:
Նախկին 100 դրամանոցներ ընդունողի փոխարեն նոր սարքավորումն ընդունում է 50, 100, 200 ու 500 դրամանոցներ եւ վերադարձնում մանրադրամը:
«35 եւ 74 համարի «ՄԱՆ» մակնիշի ավտոբուսներում նորամուծություն արեցինք. փորձնական տեղադրել են մանրադրամը վերադարձնող սարքավորում, որպեսզի ուղեւորները վարորդին գումար չտան: Սա ժամանակավոր լուծում է, մինչեւ կանցնենք տոմսային միասնական համակարգին»,-ասում է «Երեւանի ավտոբուս» ՓԲԸ տնօրեն Հովհաննես Մանուկյանը:
Փոփոխությունն արվել է ուղեվարձի գումարը վարորդին չտալու, նրա ուշադրությունը չշեղելու նպատակով:
Քաղաքացիների համար սա դեռ նորություն է, անսովոր, բայցեւ՝ կարեւոր: Կփակցվեն նաեւ հուշող պաստառներ:
Վարորդները խնդրում են ավտոբուսից օգտվել՝ ունենալով մետաղադրամ: Մայրաքաղաքի տրանսպորտի ոլորտի պատասխանատուները շեշտում են՝ լուծումը ժամանակավոր է:
Հանրային տրանսպորտի բարեփոխման ծրագրով բոլոր ավտոբուսներում կներդրվի միասնական տոմսային համակարգ:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
