Իսրայելի բանակը Գազայի հատվածում սկսել է «Երկաթե սրեր» գործողությունը ՀԱՄԱՍ-ի դեմ՝ ի պատասխան այդ տարածքի դեմ վերջինի իրականացրած հարձակման։
Ականատեսները Reuters գործակալությանը տեղեկացնում են, որ Գազայում պայթյուններ են լսվում։
Իսրայելական բանակը հայտարարում է, որ տասնյակ կործանիչներ հարվածներ են հասցնում ՀԱՄԱՍ-ի՝ Գազայում գտնվող օբյեկտներին։
Բանակը X-ի կայքում հայտարարել է, որ շուտով լրացուցիչ տեղեկություն կտրամադրի։
Պաղեստինի առողջապահության նախարարությունը դատապարտել է «Գազայի հյուսիսում օկուպացիոն ուժերի կողմից ինդոնեզական հիվանդանոցի գնդակոծությունը», ինչի հետեւանքով մեկ աշխատակից զոհվել է, մյուսները վիրավորվել են։
Ավելի վաղ հայտնի էր դարձել, որ ՀԱՄԱՍ շարժումը գնդակոծում է Իսրայելը։ ՑԱԽԱԼ-ը հայտարարել է, որ «պատրաստ է պատերազմի»։
ՀԱՄԱՍ-ի ռազմական թեւի առաջնորդ Մոհամեդ Դեյֆն իր հերթին հայտարարել է, որ զինված խմբավորումը ռազմական նոր գործողություն է սկսել Իսրայելի դեմ։
Դեյֆը իր հայտարարությունում հայտնել է, որ շաբաթ առավոտյան Իսրայելի տարածքի ուղղությամբ արձակվել է 5 000 հրթիռ, սա դարձել է «Շտորմ Ալ-Աքսա» գործողության սկիզբը։ Իսրայելը նույնպես տեղեկացրել է, որ Գազայից երկիր են թափանցել գրոհայիններ։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
