Միլանի «Ինտերը» նախատեսում է երկարաձգել պայմանագիրը կիսապաշտպան Հենրիխ Մխիթարյանի հետ, հայտնում է Quotidiano Sportivo-ն, փոխանցում է armsport.am-ը: Հայ կիսապաշտպանը պատրաստ է մնալ ակումբում։
Ակումբը 34-ամյա խաղացողին մինչև 2025 թվականը նախատեսված պայմանագիր է առաջարկում՝ այն ևս մեկ մրցաշրջանով երկարաձգելու հնարավորությամբ։ Միևնույն ժամանակ, «Ինտերը» պատրաստ է պահպանել Մխիթարյանի ներկայիս աշխատավարձը։ Այն կազմում է տարեկան 3,8 մլն եվրո։ Կիսապաշտպանի գործող պայմանագիրը միլանյան ակումբի հետ նախատեսված է մինչև 2024 թվականի ամառը։
Մխիթարյանը «Ինտերում» հանդես է գալիս 2022 թվականից։ Ընթացիկ մրցաշրջանում Հայաստանի հավաքականի նախկին ավագն Ա Սերիայում անցկացրել է ութ հանդիպում, որոնցում դարձել է 2 գոլի և մեկ գոլային փոխանցման հեղինակ։ 34-ամյա կիսապաշտպանն առաջարկ է ունեցել Սաուդյան Արաբիայի ակումբներից մեկից, որտեղ նրան աշխատավարձի կրկնապատկում են խոստացել։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
