ԱՄՆ պետքարտուղար Էնթոնի Բլինքենի անքաղաքավարությունը պատճառ է դարձել, որ Թուրքիայի արտաքին գործերի նախարար Հաքան Ֆիդանը հրաժարվի գրկախառնությունից, տեղեկացրել է Hürriyet պարբերականը։
Ֆիդանի եւ Բլինքենի բանակցությունները տեղի են ունեցել երկուշաբթի Անկարայում։ Հանդիպման կադրերից երեւում է, թե ինչպես է ամուր ձեռքսեղմումից հետո Բլինքենը փորձել գրկախառնվել Ֆիդանի հետ՝ առաջ գալով, բայց Ֆիդանը հետ քայլ է կատարել եւ շարունակել սեղմել պետքարտուղարի ձեռքը։ Այս տեսարանը լայնորեն քննարկվում է թուրքական ԶԼՄ-ներում եւ սոցցանցերում։
Hürriyet-ի տվյալներով, երբ Բլինքենի մեքենան մոտեցել է Թուրքիայի ԱԳՆ շենքին, Ֆիդանը դուրս է եկել մեքենայից եւ կանգնել գերատեսչության դռան առջեւ, ինչպես արվում է յուրաքանչյուր ժամանող նախարարի համար։ Այդ ժամանակ հեռախոսով խոսող Բլինքենը մեքենայից դուրս չի եկել, եւ Ֆիդանը մտել է շենք։
«Ֆիդանը Բլինքենին ողջունել է՝ դիվանագիտական բավականաչափ քաղաքավարություն չդրսեւորելով եւ չի գրկախառնվել ԱՄՆ պետքարտուղարի հետ՝ չնայած վերջինի փորձին»,- գրել է պարբերականը։
Թուրքական ԶԼՄ-ները նաեւ ուշադրություն են դարձրել Անկարայում Բլինքենին դիմավորողների մեջ բարձրաստիճան պաշտոնյաների բացակայությանը։ ԶԼՄ-ները նշել են նաեւ, որ կառամատույցում նրա դիմավորումը չի լուսաբանվել։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
