Ֆուտբոլի Եվրո-2024-ի ընտրական մրցաշարի նախավերջին տուրում Խորվաթիայի հավաքականը Ռիգայում հյուրընկալվեց Լատվիայի թիմին եւ հաղթեց 2:0 հաշվով։

Արդեն 7-րդ րոպեին հանդիպման հաշիվը բացեց գերմանական «Վոլֆսբուրգի» կիսապաշտպան Լովրո Մայերը (տեսանյութ), 16-րդ րոպեին հյուրերի առավելությունը կրկնապատկեց գերմանական «Հոֆենհայմի» հարձակվող Անդրեյ Կրամարիչը (տեսանյութ)։

D խմբում Խորվաթիան 13 միավորով բարձրացավ երկրորդ տեղ եւ 2 միավոր առաջ է երրորդ տեղ նահանջած Ուելսից։

Հայաստանի հավաքականը 8 միավորով չորրորդն է եւ զրկվեց երկրորդ տեղ բարձրանալու եւ եզրափակիչ փուլի ուղեգիր նվաճելու հնարավորությունից։

Վերջին տուրում Խորվաթիան նոյեմբերի 21-ին կընդունի Հայաստանի հավաքականին, Ուելսի թիմը կընդունի խմբի առաջատար Թուրքիային, որը նախորդ տուրում էր ապահովել ուղեգիրը։

Եվրո-2024, խմբային փուլ, նախավերջին տուր

D խումբ

Լատվիա - Խորվաթիա՝ 0։2

Լովրո Մայեր, 7, Անդրեյ Կրամարիչ, 16

Հայաստան - Ուելս՝ 1։1

Լուկաս Սելարայան, 5 - Նաիր Թիկնիզյան, 45+2, ինքնագոլ