Քիմ Քարդաշյանը պատրաստ է չորրորդ ամուսնությանը, սակայն դրա համար նրան «հատուկ» եւ «յուրահատուկ» տղամարդ է պետք։ SKIMS-ի 43-ամյա հիմնադիրը Ջեյմս Քորդենի SiriusXM-ի This Life of Mine հաղորդմանը քննարկել է կրկին ամուսնանալու հնարավորությունը:

Չորս երեխաների մայրը, որը ներկայումս հանդիպում է 31-ամյա ֆուտբոլիստ Օդել Բեքհեմ կրտսերի հետ, ասել է, որ պատրաստ է կրկին «այո» ասել, եթե կարողանա գտնել մեկին, ով կտեղավորվի իր «մեծ կյանքում»: Ընդ որում, պարտադիր չէ, որ նրա ընտրյալը հայտնի լինի։

IMG_2281-1.jpeg (154 KB)

Լինում են դեպքեր, երբ ես ինքս ինձ ասում եմ. «Ես հասկանում եմ, որ իմ կյանքն, իսկապես, «մեծ» է, եւ ինձ, իսկապես, պետք է հատուկ, եզակի մարդ, ով կկառավարի այն»,-կիսվել է նա,-«Կարծում եմ, որ իմ կյանքը շատ զվարճալի է, եւ նա, ով գալիս է իմ կյանք, լավ ժամանակ է անցկացնելու:

Ես միայնակ չեմ, ուստի ինձ լավ եմ զգում: Ես երեխաներ ունեմ, աշխատանք ունեմ, ընտանիք ունեմ, բայց լավ կլիներ, որ կյանքս կիսեի ինչ-որ մեկի հետ, իսկ ես դրան անլուրջ չեմ մոտենում»,-հավելել է նա:

Ինչ վերաբերում է նրան, թե արդյոք իր պոտենցիալ երկրրդ կեսը պետք է հայտնի լինի, նա պատասխանել է. «Ոչ, նա, պարզապես, պետք է ինչ-որ կերպ հասկանա, թե ինչ է այս կյանքը»: Նա նաեւ խոստովանել է, որ ինքը «անհույս ռոմանտիկ» էր, բայց հիմա գիտի տարվածության եւ իրական հարաբերությունների տարբերությունը:

IMG_2282.jpeg (85 KB)

Անդրադառնալսվ այն հատկանիշներին, որոնք պետք է ունենա իր տղամարդը՝ նա նշել է, որ նա պետք է պատասխանատու լինի եւ լավ ատամներ ունենա։ «Եվ, որ կարողանա հոգ տանել իր մասին: Նկատի ունեմ՝ պարզապես լավ, անկեղծ մարդու, ով նպատակասլաց է եւ ունի իր սեփական շարժառիթները կյանքում. ցուցակը շատ երկար է»։

Քիմը նախկինում ամուսնացած է եղել երեք անգամ։ Նրա վերջին ամուսինը ռեփեր Քանյե Ուեսթն էր, ում հետ նա ունի չորս երեխա։ Զույգը միասին է եղել 2012-ից 2021 թվականներին։