Ֆրանսիայի հավաքականի 25-ամյա հարձակվող Կիլիան Մբապեի շնորհանդեսին «Ռեալում» ցանկանում է ներկա լինել ավելի քան 100 հազար մարդ, հաղորդում է Madrid Xtra-ն։ Մադրիդի «Սանտիագո Բերնաբեու» ստադիոնն ունի 85 հազար տեղ։

Մբապեի շնորհանդեսը տեղի կունենա հուլիսի 16-ին, Մադրիդի ժամանակով կեսօրին։ Ակումբի գրանցված անդամները ստացել են անվճար մուտքի իրավունք։ Եթե մնան ազատ տեղեր, մուտքի հնարավորություն կունենան նաեւ ակումբի ոչ անդամ երկրպագուները։

Մբապեն 5 տարվա պայմանագիր կկնքի Արքայական ակումբի հետ։ Նա Ֆրանսիայի չեմպիոն ՊՍԺ-ից հեռացել է ազատ գործակալի կարգավիճակում։

Transfermarkt-ը Մբապեի տրանսֆերային արժեքը գնահատում է 180 միլիոն եվրո։