Ադրբեջանի նախագահ Իլհամ Ալիևը հայտարարել է, որ «Ադրբեջանի և Եվրամիության միջև հարաբերություններում անվստահություն առաջացնող գործոններից մեկն առանց Ադրբեջանի հետ համաձայնության կամ խորհրդակցության սահմանների եվրոպական դիտորդական առաքելության մանդատի երկարաձգումն էր»։ Նա տարակուսանք է հայտնել դրա անհրաժեշտության վերաբերյալ:
«2022 թվականի հոկտեմբերին Պրահայում Ադրբեջանը համաձայնել է երկամսյա ժամկետով առաքելության ժամանակավոր ներկայությանը, որը բաղկացած է սահմանափակ թվով պաշտոնաթող սպաներից։ Սակայն երբ առաքելությունը երկարաձգվեց, Ադրբեջանին դրա մասին չծանուցեցին և նրա հետ չխորհրդակցեցին: Ներկայում առաքելությունը լրացուցիչ ժամկետով երկարաձգելու ուղղությամբ բանակցություններ են ընթանում»,- նշել է նա։
Ալիևը դժգոհություն է հայտնել առաքելության անդամների պահվածքից՝ այն «հեռադիտակային դիվանագիտություն» անվանելով:
Նա ընդգծել է, որ Ադրբեջանը մտադիր է այդ հարցը բարձրացնել Եվրամիության հետ իր շփումներում։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
