Հարավային Կորեայի արտաքին գործերի նախարարությունը կանչել է Սեուլում ՌԴ դեսպան Գեորգի Զինովեւին ՝ ի նշան երկիր հյուսիսկորեական զորքերի ուղարկման դեմ բողոքի, որոնք պետք է մասնակցեն Ուկրաինայի դեմ պատերազմում, երկուշաբթի տեղեկացրել է Yonhap գործակալությունը։
Դեսպանը հանդիպել է Հարավային Կորեայի արտաքին գործերի նախարարի առաջին տեղակալ Կիմ Հոն Գյունի հետ, գրել է Reuters-ը։ Հարավային Կորեայի ԱԳՆ-ն չի պատասխանել մեկնաբանության մասին հարցմանը։
Անցած շաբաթ հարավկորեական հեռախուզությունը հայտնել էր, որ Փհենյանը պատրաստվում է Ռուսաստան ուղարկել 12 հազար զինվորական Ուկրաինայի դեմ պատերազմին հնարավոր մասնակցության համար, մեկուկես հազար հատուկջոկատային մարտիկ արդեն գտնվում է Հեռավոր Արեւելքում՝ «ուսուցանման եւ կլիմային վարժվելու համար»։
Սպիտակ տան ազգային անվտանգության խորհուրդը չի կարողացել հաստատել տեղեկություններն այն մասին, որ հյուսիսկորեական զորքերը պատրաստվում են պայքարել Ուկրաինայում։ Եթե տեղեկությունները հաստատվեն, «դա կնշանակի Ուկրաինայի դեմ Ռուսաստանի պատերազմի վտանգավոր զարգացում», հայտնել է Վաշինգտոնը։
Ռուսաստանը եւ Հյուսիսային Կորեան հերքում են տեղեկությունները Ուկրաինայում հյուսիսկորեական զորքերի մասնակցության մասին։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
