Առնվազն 24 մարդ է զոհվել Կալիֆոռնիայի Լոս Անջելես շրջանի հրդեհների հետևանքով։ Այս մասին կիրակի հայտնել է Fox News հեռուստաալիքը։

Զոհերի մեծ մասի ինքնությունը դեռ պարզված չէ։ Ավելի վաղ հաղորդվել էր, որ զոհվել է 16 մարդ, եւս 13-ը անհետ կորել են։


Հունվարի 7-ին անտառային հրդեհները սկսեցին տարածվել Լոս Անջելեսի շրջանում: Ըստ օդերեւութաբանների՝ հրդեհի արագ տարածման պատճառ է դարձել չոր ու շատ քամոտ եղանակը։ Թաղամասում հրդեհների ընդհանուր մակերեսը գերազանցել է 16 հազար հեկտարը։ Հրդեհը ոչնչացրել է ավելի քան 12,300 շինություն, այդ թվում՝ հեղինակավոր տարածքներում գտնվող հայտնի մարդկանց սեփականությունը: Այրվել են ԱՄՆ ներկայիս նախագահ Ջո Բայդենի որդու՝ Հանթերի, դերասանուհի և մոդել Փերիս Հիլթոնի, դերասան և ռեժիսոր Մել Գիբսոնի տները։

Ամերիկացի առաջնորդն ավելի վաղ Կալիֆորնիայում բռնկված հրդեհներն անվանել էր նահանգի պատմության մեջ ամենախոշորն ու ամենակործանարարը։