Ուկրաինան տեխնիկական խումբ կուղարկի Միացյալ Նահանգներ՝ ամերիկացի գործընկերների հետ հազվագյուտ հողային մետաղների վերաբերյալ համաձայնագրի շուրջ բանակցելու համար, ըստ РБК-Украина-ի՝ դրա մասին ճեպազրույցի ժամանակ հայտարարել է Ուկրաինայի նախագահ Վլադիմիր Զելենսկին։


«Թիմերն աշխատում են այդ համաձայնագրի վրա, ինչպես ես ասացի: Մենք զբաղվում ենք իրավաբանական ընկերություն ընտրելու հարցով: Կան երեք առանցքային ընկերություններ, որոնք համաձայնել են աշխատել և ներկայացնել Ուկրաինան: Հաջորդ շաբաթվա սկզբին մենք համաձայնության կգանք երեք ընկերություններից մեկի հետ, պայմաններն այժմ քննարկվում են»,-նշել է Զելենսկին:


Ըստ նախագահի՝ ինքը մեծ հանդիպում կունենա ուկրաինական թիմի հետ, որտեղ իրեն «կներկայացնեն բոլոր այն կետերը, որոնք բավարարում են մեզ, կամ որոնք կարտացոլեն արդարությունը մեզ համար»։


«Մենք այս համաձայնագրում տեսնում ենք միայն գործընկերային քայլեր, և թիմն աշխատում է դրա վրա: Թիմը հակիրճ կներկայացնի ինձ այս համաձայնագիրը, ամենակարևորը շաբաթվա սկզբին, և դրանից հետո տեխնիկական թիմը պատրաստ կլինի ԱՄՆ գործուղման և երկխոսության ամերիկացի գործընկերների հետ»,- հավելել է պետության ղեկավարը։

Զելենսկին միաժամանակ նշել է, որ ինքը դեռ չի նախատեսում այց Միացյալ Նահանգներ։