Փողի դիմաց զինվորական ծառայությունից ազատվելու մասին նախագծի քննարկումը չեղարկվեց։

Նախագիծը պետք է դեռ լրացուցիչ նորից քննարկվի, որից հետո նոր միայն կքննարկվի ԱԺ պաշտպանության ու անվտանգության հանձնաժողովում։

«Հայաստան» խմբակցության պատգամավոր Գեղամ Մանուկյանի համար անհասկանալի է, թե ինչու որոշվեց այսօր չեղարկել, երբ Պաշտպանության նախարարն արդեն ԱԺ էր եկել։

«Հանրային մեծ ընդվզում կա։ Մենք հետամուտ ենք լինելու, որ այս հարցն ընդմիշտ Հայաստանի օրակարգից դուրս բերվի»,- նշեց Մանուկյանը։

ՔՊ-ական պատգամավոր Հայկ Սարգսյանն էլ, ով նախագծի հեղինակն է, ասաց, թե հանրային լայն շրջանակները մեծ սպասում ունեն այս նախագծից։