«Փակ շուկայում» շինարարական աշխատանքներն արդեն մոտենում են ավարտին: Այս մասին գրում է «Ժամանակ» թերթը եւ հավելում. «Ինչպես «Ժամանակին» երեկ տեղեկացրեց շինարարական աշխատանքները համակարգող Լեւոն Խաչատրյանը, շուկան կբացվի մինչեւ հոկտեմբերի 5-ը:
Նրա հավաստմամբ՝ աշխատողները եղել են տեղում, տեսել են, թե որտեղ են աշխատելու. «Բոլորն էլ իրենց տեղը գիտեն, ներսում փայտից սեղաններ են դրված»:
Լ. Խաչատրյանը նշեց նաեւ, որ շուկայի բացումը շուրջ 650-700 նոր աշխատատեղով կապահովի, եւ բոլոր այն մարդիկ, ովքեր մինչ այժմ պաշտպանում էին Սամվել Ալեքսանյանի շահերը, ներսում աշխատանք կունենան:
Հարցին՝ եթե աշխատողները եղել են ներսում, ինչո՞ւ ճարտարապետներին ոչ մի անգամ ներս չեն թողել, նա պատասխանեց. «Իրենք ցանկություն չեն ունեցել, չեն մտել ներս: Եկել, դիմացի մայթին կանգնել են... Բայց անզեն աչքով երեւում է, որ այս շուկայի տեսքը պահպանվել է: Անմիտ խոսակցություններ են, «Փակ շուկան» սուպերմարկետ չի դառնալու»»,- մեջբերում է «Ժամանակը» (Մանրամասները՝ թերթի այսօրվա համարում):
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
