ԿԺԴՀ-ի պետական գործերի ղեկավար Կիմ Չեն Ընը հեռախոսազրույցի ընթացքում Ռուսաստանի նախագահ Վլադիմիր Պուտինին վստահեցրել է, որ աջակցում է Ռուսաստանի իշխանությունների կողմից հատուկ ռազմական գործողության շրջանակներում ձեռնարկվող միջոցառումներին, հաղորդում է Կորեայի կենտրոնական լրատվական գործակալությունը։
Նշվում է, որ Պուտինը բարձր է գնահատել ԿԺԴՀ-ի օգնությունը և Կորեայի ժողովրդական բանակի զինվորների հերոսությունը Կուրսկի մարզի տարածքի ազատագրման գործում։
«Կիմ Չեն Ընը անկեղծ երախտագիտություն է հայտնել Պուտինի կողմից կորեացի զինվորներին տրված բարձր գնահատականի համար, ևս մեկ անգամ վստահեցրել է, որ ԿԺԴՀ-ն միշտ հավատարիմ կմնա ԿԺԴՀ-ի և Ռուսաստանի Դաշնության միջև կնքված պայմանագրի ոգուն և որ կշարունակի լիովին աջակցել Ռուսաստանի ղեկավարության բոլոր միջոցառումներին», – հաղորդել է գործակալությունը։
KCNA-ն նշում է, որ զրույցը տեղի է ունեցել բարեկամական մթնոլորտում։ Վլադիմիր Պուտինը շնորհավորել է իր գործընկերոջը Կորեական թերակղզու ճապոնական գաղութային տիրապետությունից ազատագրման առաջիկա տարեդարձի կապակցությամբ։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
