Երեկ Միացյալ Երիտասարդական Լիգան հայտարարություն էր տարածել, որում նշել էր 25 հայտնիների անուններ և նշել, որ նրանք հարում են այս կամ այն աղանդին։ Ցանկում տեղ գտած հայտնիներից մի քանիսը ժխտել են այդ տեղեկատվությունը։ Ներկայացանում ենք նրանց պատասխանները։

Վահագն Գրիգորյան, 32 ատամ ակումբ, Ֆեյսբուք

«Միացյալ Երիտասարդական Լիգա մեծադղորդ անվամբ ինչ- որ կառույց, հղում անելով իր' հավանաբար տիեզերական աղբյուրներին, ինձ և իմ ընկերներից ոմանց ներառել է աղանդավորական շարժումներին հարող հայտնի անձանց ցանկում:
Անհասկանալի է, թե որ հոգեկան հիվանդի մտքով է անցել ինձ ներառել այդ կեղծ մատնագրի մեջ:
Ես որևէ աղանդի չեմ հարում, սակայն զգուշացնում եմ, որ շարունակաբար իմ և ընկերներիս մասին հերյուրանքներ տարածողները շատ խիստ պատժվելու են:
Բավական է խոսքի ազատության անվան տակ ոտնահարեք մարդկանց սրբությունները:
Եթե դուք սրբություններ չունեք' մեզ ձեր հետ մի շփոթեք...»։

 

Երգչուհի Անուշիկ Ալավերդյանը, Ֆեյսբուք

«Ես աղանդավո՞ր: Էն էլ «կյանքի խոսքից», հա՞: Այ էս արդեն ծիծաղալու չի: Էս հոդվածից հետո ինձ եկած բոլոր նամակներին այստեղ եմ պատասխանում՝ «Ես երբևէ որևէ աղանդի չեմ պատկանել և չեմ պատկանում»

 

Երգչուհի Էմմի, Ֆեյսբուք

«asekose.am operativ.am և մյուս կայքեր… Արդյո՞ք կարող եք ապատեղեկատվության համար նույնչափ հստակ և վստահ խոսել իմ իրավաբանի հետ»։


Դերասան Սոս Ջանիբեկյան

ESem.am-ը զրուցել է Սոսի հետ, ով սկզբնաղբյուրից պահանջել է հրապարակայնորեն փաստեր ներկայացնել, որոնք կապացուցեն իր աղանդավոր լինելը: «Ես պահանջում եմ, որպեսզի նյութի հեղինակը հրապարակային ներկայացնի ապացույցներ, ըստ որոնց գրել է, թե ես ինչ-որ աղանդի մասնակից եմ: Ասում եմ հրապարակային, որպեսզի մարդիկ էլ իմանան` ինչի հիման վրա գրված նյութ են կարդացել: Այդպիսիք չկան, որովհետև ես որևէ կապ չունեմ որևէ աղանդի հետ: Առաջին անգամ եմ լսում այն աղանդի մասին, որում, ըստ հեղինակի, ներգրավված եմ: Ես մկրտվել եմ Հայ Առաքելական եկեղեցում` Սոս Սարգսյանի քավորությամբ, - ասել է Սոսն ու հավելել,- ես այդ նյութից շատ զայրացա, սակայն եթե հանրային մարդ չլինեի, կարհամարհեի, քանի որ տեղյակ եմ, թե կայքերն ինչպես են աշխատում` ավել դիտում ունենալու համար: Կոչ եմ անում չանել այդպիսի բաներ, չխաղալ մարդկանց անվան հետ:

 

ՀՀ վաստակավոր արտիստ Տիգրան Ներսիսյան

«Լսեք, այ Միացյալ Երիտասարդական Լիգա,այ անբարոյականներ,այ ազգի թերմացք,այ ոչնչություններ,դուք ամոթի զգացում ունե՞ք, ինչպե՞ս եք ձեզ թույլ տալիս այդպիսի ակնհայտ կեղծիք և սուտ տարածել: Դուք Աստված ունե՞ք, դուք սրբություն ունե՞ք: Դուք եք մարմնով և հոգով աղանդաստեղծ,աղանդապաշտ. այդ ո՞ր փաստով,հիմնավորմամփ է Տիգրան Ներսիսյանը պատկանում ինչ-որ աղանդի,դուք որտե՞ղ եք ինձ տեսել,ու՞մ հետ եք տեսել,որ այդպիսի հայտարարություն եք թույլ տալիս ձեզ: Այդ ո՞ր աղանդի փթած ղեկավարի հետ եք տեսել ինձ երբևէ: Դուք չե՞ք ամաչում, դա անբարոյականությունա. եթե մի փոքր մարդ եք կոչվում, եթե մի փոքր Աստված ունեք ձեր մեջ,հերքեք ձեր իսկ գրածը և ներողություն խնդրեք:
Հայտարարում եմ ձեզ և բոլորին, որ ես Հայ Առաքելական եկեղեցու զավակ եմ, մկրտված Հայ Առաքելական եկեղեցում, ինչպես և իմ ամբողջ ընտանիքը»։

 

Մեծ վրդովմունք է հայտնել նաև դերասան Գոռ Վարդանյանն, ով հաստատել է, որ ինքը հայ առաքելական եկեղեցու հետևորդ է: