ԱՄՆ նախագահ Դոնալդ Թրամփը հայտարարել է, որ քննարկել է միջուկային զենքի կրճատման հարցը Ռուսաստանի բռնապետ Վլադիմիր Պուտինի և Չինաստանի առաջնորդ Սի Ցզինպինի հետ, ինչպես նաև պատասխանել է, թե ինչու է Ամերիկան վերսկսում միջուկային փորձարկումները, հաղորդում է CBS News-ը։
Ըստ Թրամփի, ԱՄՆ-ն ավելի շատ միջուկային զենք ունի, քան որևէ այլ երկիր։
«Եվ ես կարծում եմ, որ մենք պետք է ինչ-որ բան անենք միջուկային զինաթափման վերաբերյալ։ Եվ ես իրականում քննարկել եմ սա և՛ նախագահ Պուտինի, և՛ նախագահ Սիի հետ։ Մենք բավարար միջուկային զենք ունենք աշխարհը 150 անգամ պայթեցնելու համար», - ասել է նա։
Ըստ Թրամփի, ԱՄՆ-ն միակ երկիրն է, որը չի անցկացնում միջուկային փորձարկումներ։
«Ռուսաստանը հայտարարել է, որ փորձարկումներ է անցկացնելու։ Հյուսիսային Կորեան անընդհատ փորձարկումներ է անում։ Եթե նկատել եք, այլ երկրներ փորձարկումներ են անում։ Մենք միակ երկիրն ենք, որը չի փորձարկում, և ես ուզում եմ լինել... Ես չեմ ուզում լինել միակ երկիրը, որը փորձարկումներ չի անում», - ասել է Թրամփը հարցազրույցում։
Այնուամենայնիվ, ԱՄՆ նախագահը չի մանրամասնել, թե արդյոք նկատի ունի մարտագլխիկների պայթյունների փորձարկումները։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
