Ուկրաինայի նախագահ Վլադիմիր Զելենսկին հունվարի 7-ին հայտարարել է, որ Ռուսաստանի դեմ լայնածավալ պատերազմը կարող է ավարտվել 2026 թվականի առաջին կեսին։
ԵՄ-ում Կիպրոսի նախագահության մեկնարկին նվիրված միջոցառման ընթացքում Զելենսկին նշել է, որ բանակցությունները մտնում են նոր փուլ՝ ԵՄ-ի, ԱՄՆ-ի և «Կամավորների կոալիցիայի» գործընկերների մասնակցությամբ։ Նա ընդգծել է Եվրամիության առանցքային դերը խաղաղության գործընթացում։
Զելենսկու հայտարարությունը հնչել է Փարիզում Ուկրաինայի, Եվրոպայի և ԱՄՆ ներկայացուցիչների միջև տեղի ունեցած բանակցությունների ֆոնին։ Ֆրանսիայի նախագահ Էմանուել Մակրոնի նախաձեռնած «Կամավորների կոալիցիայի» գագաթնաժողովին մասնակցում են 35 երկրի ներկայացուցիչներ, այդ թվում՝ ԵՄ ղեկավարներ և ՆԱՏՕ-ի գլխավոր քարտուղարը։
Համատեղ հայտարարության նախագծի համաձայն՝ հետպատերազմյան անվտանգության երաշխիքները կարող են ներառել Եվրոպայի գլխավորած ուժերի տեղակայում Ուկրաինայում՝ ԱՄՆ աջակցությամբ, ինչպես նաև Վաշինգտոնի կողմից հրադադարի վերահսկում։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
