Սաուդյան Արաբիան երաշխավորել է Իրանի իշխանություններին, որ թույլ չի տա օգտագործել իր օդային և ցամաքային տարածքը Իսլամական Հանրապետության վրա հնարավոր հարձակումների համար։ Այս մասին հայտնել է Agence France-Presse-ը՝ հղում անելով աղբյուրներին։

«Սաուդյան Արաբիան ուղղակիորեն տեղեկացրել է Թեհրանին, որ չի մասնակցի իր դեմ որևէ ռազմական գործողության, և որ իր տարածքն ու օդային տարածքը չեն օգտագործվի այդ նպատակների համար», – գործակալությունը մեջբերել է Սաուդյան բանակին և կառավարությանը մոտ կանգնած աղբյուրներին։

Ինչպես ավելի վաղ հայտնել էր Reuters-ը՝ հղում անելով եվրոպացի պաշտոնյաներին, Իրանի դեմ ԱՄՆ ռազմական գործողությունը «հավանական է թվում» և կարող է սկսվել առաջիկա 24 ժամվա ընթացքում։ Իսրայելցի պաշտոնյան, իր հերթին, գործակալությանը հայտնել է, որ ԱՄՆ նախագահ Դոնալդ Թրամփը, կարծես թե, որոշել է իրականացնել գործողությունը, սակայն մասշտաբները և ժամկետները դեռևս պարզ չեն։