Ֆրանսիան առաջիկա օրերին Գրենլանդիա կուղարկի ցամաքային, ծովային և օդային միջոցներ՝ ամրապնդելու իր զորքերի խումբը, որը կղզի է ժամանել ավելի վաղ։
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին հունվարի 15-ին հայտնել է Ֆրանսիայի նախագահ Էմանուել Մակրոնը։
«Ֆրանսիական առաջին ռազմական խումբն արդեն տեղում է և առաջիկա օրերին կամրապնդվի ցամաքային, օդային և ռազմածովային միջոցներով», – ասել է Ֆրանսիայի առաջնորդը։ Նրա ելույթը Ելիսեյան պալատից ուղիղ հեռարձակվել է X սոցիալական ցանցում։
Ավելի վաղ Մակրոնը գրառում էր կատարել X-ի իր էջում՝ հայտնելով, որ Ֆրանսիայից զինվորականների առաջին խումբն արդեն մեկնել է Գրենլանդիա՝ մասնակցելու Դանիայի և Գրենլանդիայի կողմից կազմակերպված զորավարժություններին։
«Դանիայի խնդրանքով ես որոշել եմ, որ Ֆրանսիան կմասնակցի Դանիայի կողմից Գրենլանդիայում կազմակերպված համատեղ զորավարժություններին՝ «Արկտիկական դիմացկունություն գործողությանը»։ Ֆրանսիական առաջին ռազմական ստորաբաժանումներն արդեն ճանապարհին են։ Մյուսները կհետևեն»,- նշել էր նա։
Դաշնակից երկրները, այդ թվում Գերմանիան, Նորվեգիան և Շվեդիան, սկսել են զորքեր տեղակայել Գրենլանդիայում՝ ի նշան աջակցության Դանիային։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
