Հորմոզգան նահանգում Իսլամական հեղափոխության պահապանների կորպուսի (ԻՀՊԿ) հետախուզական կազմակերպության ուժերը ձերբակալել են վերջին օրերի անկարգությունների առաջնորդներին և հիմնական մասնակիցներին, հաղորդում է Tasnim-ը։
Իրանական կողմի տվյալներով՝ գործողությունն իրականացվել է հետախուզական անընդհատ մոնիթորինգի, տեղում օպերատիվ վերահսկողության և անվտանգության ուժերի ժամանակին ձեռնարկված գործողությունների հիման վրա։ Ենթադրվում է, որ ձերբակալվածները գործել են ԱՄՆ-ի և Իսրայելի հետախուզական ծառայությունների ղեկավարությամբ և աջակցությամբ։
Ըստ ԻՀՊԿ հայտարարության՝ այս անձինք մասնակցել են հրկիզմանը, կրոնական վայրերի, մասնավորապես՝ մզկիթների ոչնչացմանը, հանրային և մասնավոր սեփականության վնասմանը, հասարակական կարգի խախտմանը, բնակչության շրջանում վախի մթնոլորտի ստեղծմանը, ինչպես նաև ռազմական և իրավապահ մարմինների օբյեկտների վրա հարձակումներին։
Նրանք նաև մեղադրվում են Պարսից ծոցի տարածաշրջանում և Քիշ կղզում պետական ռադիոյի և հեռուստատեսության շենքերի վրա հարձակման և վնասման մեջ։
Ձերբակալությունների ժամանակ կասկածյալներից առգրավվել են տարբեր տեսակի սառը զենք, հրազեն և այլ անօրինական իրեր, որոնք, ենթադրաբար, օգտագործվել են ուժ ցուցադրելու և անօրինական գործողություններ կատարելու համար։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
