Իտալական հեղինակավոր La Gazzetta dello Sport պարբերականը ներկայացրել է Իտալիա-Հայաստան հանդիպման իր գնահատականները.

Բերեզովսկի – 6

Բաց է թողնում երկու գոլ, որոնք դժվար է որսալ: Տարիքն արդեն այն չէ` 39, ապագան այլևս իրենը չէ: Լավ դարպասապահ էր, Հայաստանը նրան երկար կհիշի:

Մկոյան – 5

Ինսինյեն նրա հսկողության գոտում է խաղում: «Լորենցիտոն» նրան է ընտրում` որպես սիրելի թիրախ:

Հարոյան – 5.5

Պաշտպանությունում Հայաստանը շատ խոցելի է, ու սա է ցավալի դարձնում արդյունքը: Հարոյանը դժվարանում է Օսվալդոյին պահելիս, էլ չասած Բալոտելլիի մասին:

Արզումանյան – 5.5

Շատ ազատություն են տալիս հարձակվողներին Բերեզովսկու դիմաց 16 մետրի վրա: Վնասվածքով խաղացող Արզումանյանը հարմարվում է,:

Հայրապետյան – 5

Ֆլորենցիի գոլի գլխավոր մեղավորներից է: Աջում նրա խաղընկերները «տանգո» են պարում Ինսինյեի հետ, ձախում նա լավ չի փակում «Ռոմայի» կիսապաշտպանի շեղագիծ հարվածը:

Հովհաննիսյան – 6

Փոխարինում է Հայրապետյանին, և նրա հետ Հայաստանի խաղը բարելավվում է, իսկ մենք բաց ենք թողնում երկրորդ գոլը:

Եդիգարյան – 5.5

Ավելի բարձրի արժանի կլիներ, բայց չենք կարող մոռանալ սխալը, որից հետո հավասարվում է հաշիվը: 

Մկրտչյան – 6

Լավ է հանդես գալիս կիսապաշտպանությունում, պայքարում է Մոնտոլիվոյի դեմ:  Միակ լուրջ թերությունը հարկային օրենսգրքից ավելի դժվար կարդացվող ազգանունն է:

Օզբիլիս – 6

Խորամանկ խաղ է ցուցադրում աջում: Կասկածում ենք, որ Պասկալը խաղում էր ձեռքի արգելակը ձգած, որովհետև չէր վստահում այս ունիվերսալ եզրայինին:

Լավագույնը` Մխիթարյան – 7

Նրան ճանաչում էինք, նրան սպասում էինք, բայց նշանակություն չունի. երիտասարդ պարոն Մխիթարյանը մեզ ստիպեց տառապել իր էլաստիկ խաղով: Հետ գնալ և առաջ նետվել, անհետանալ և հայտնվել:

Ղազարյան – 6

Խաղում է ձախում և ունի տուգանային ներխուժելու ունակություն: 

Մովսիսյան – 6,5

Մահացու է, երբ օգտվում է Ակվիլանիի սխալից, շրջանցում է Աստորիին և ռմբահարում Մարկետտիի դարպասը շեղագիծ հարվածով: Գոլը նրան հոգնեցնում է, և դրանից հետո մի քիչ աննկատ է դառնում:

Մարզիչը` Մինասյան – 6,5

Խաղաց քաջությամբ, առանց հաշվարկների: Հայաստանը արժանապատվություն ունեցող թիմ է, որը, հավանաբար, արժանի է Եվրո-2016-ին որակավորվել: