Լոնդոնի համալսարանին կից քոլեջի հումանիտար գիտությունների բաժնի 25-ամյա ուսանողուհին այնքան խորն է քնել, որ նրան նույնիսկ չեն կարողացել արթնացնել ծննդաբերության ցավերը:
Արթնանալով` Սառա Փիրսոնն իր ընկեր Գրեմ Սմիթին ասել է, որ ինչ-որ տարօրինակ բան է զգում: Սակայն մինչև 25-ամյա տղամարդը հասկացել է, թե ինչ է տեղի ունենում, նրանց որդին` Չառլին, պատրաստ է եղել լույս աշխարհ գալու: Դրանից մի քանի ժամ առաջ զույգը եղել է հիվանդանոցում, սակայն մանկաբարձը Սառային զննելով` խորհուրդ է տվել հետո գալ:
«Մենք մի քանի ժամ քնեցինք, իսկ հետո Սառան արթնացրեց ինձ և ասաց, որ իրեն տարօրինակ է զգում: Երբ ես զննեցի նրան, տեսա երեխայի գլուխը: Ես զանգահարեցի մանկաբարձուհուն, ով ասաց, որ շտապօգնություն զանգեմ: Մինչ մենք սպասում էինք, կինը հեռախոսով ինձ ասում էր` ինչ անել»,- պատմել է Գրեմը:
Շտապօգնությունը բավականին ուշացել է, և Գրեմը ստիպված է եղել ինքն ընդունել ծնունդը, գրում է Mail Online-ը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
