1 Ադամ Սենդլեր

Ֆորբսը կազմել է ամենաբարձր վարձատրվող կինոդերասանների ցուցակը:

Ցուցակը գլխավորում է հայտնի աստղ, «Մեծահասակների» գլխավոր դերակատար Ադամ Սենդլերը: Ըստ Ֆորբսի՝ նրա եկամուտը կազմել է ավելի քան 15 միլիոն դոլար:

Ամսագրի անձնակազմը նշել է, որ ցուցակը կազմելիս իրենք հաշվի են առել, թե ինչ աշխատավարձ են դերասանները ստացել վերջին երեք տարիների ընթացքում (մինչև այս տարվա հունիսի մեկն ընկած ժամանակահատվածը) այն երեք կինոնկարներից, որոնցում նրանք գլխավոր դեր են խաղացել:

2 Քեթրին Հեյգլ

«Կրքի անատոմիա»-ի (անգլերեն՝ «Greys Anatomy») գլխավոր հերոսուհի Քեթրին Հեյգլը ժամանակին հռչակվել է ռոմանտիկ կատակերգությունների թագուհի: Այս կոչմանը նա արժանացավ «27 զգեստ» կինոնկարի հերոսուհիներից մեկին մարմնավորելուց հետո: Ժամանակի ընթացքում նրան վճարվող աշխատավարձի չափն ավելի ու ավելի էր աճում: Եկամտաբեր էր «Վարձու մարդասպանները» կինոնկարը:

3 Ռիզ Ուիզերսփուն

 

2010-2012 թթ. Օսկարի մրցանակակիր Ռիզ Ուիզերսփունը գլխավոր դեր է ստանձնել երեք կինոնկարներում: Դրանցում պատկերված էր սիրային եռանկյունի, որի երկու տղամարդիկ պայքարում էին Ուիզերսփունի հերոսուհու սիրո համար:

«Ի՞նչ իմանաս» և «Նշանակում է պատերազմ» կինոնկարները շռնդալից հաջողություն ունեցան, մինչդեռ «Ջուր փղերի համար» կինոնկարը մի փոքր զիջում է այս երկու կինոնկարներին: Այժմ Ուիզերսփունի կարիերայում նոր փուլ է սկսել: Հիմա նա երկրորդական դերեր է խաղում և արտադրում իր սեփական կինոնկարները, այդ թվում` «Վայրի» ֆիլմը՝ հիմնված Շերիլ Սթրեյդի ստեղծագործություններից մեկի վրա:

4 Նիկոլաս Քեյջ

Օսկարակիր դերասան Նիկոլաս Քեյջը Հոլիվուդի ամենազբաղված և ամենաբարձր վարձատրվող դերասաններից է: Վերջին երեք կինոնկարները՝ «Հազար բառ», «Ուրվական մրցարշավորդ. վրեժխնդրության ոգին» և «Գողացված», բավականին եկամտաբեր էին:

5 Քևին Ջեյմս

Կատակերգական ժանրի դերասան Քևին Ջեյմսն անցյալ տարի ևս Ֆորբսի ամենաբարձր վարձատրվող դերասանների ցանկում էր: «Գիրուկը ռինգում» կինոնկարի շնորհիվ նա այս տարի ևս հայտնվել է Ֆորբսի այդ ցուցակում: Ինչ խոսք, ֆիլմը բավականին շահութաբեր էր:

6 Դենզել Վաշինգտոն

 

Օսկարի երկակի մրցանակակիր Դենզել Վաշինգտոնը հանդես է գալիս տարբեր դերակատարումներով, որոնք հիմնականում դրական արձագանք են ստանում կինոքննադատների և կինոդիտողների կողմից: Դերասանը մեծ հաջողություն ունեցավ անցյալ տարի թողարկված «Թռիչք» կինոնկարում խաղացած դերի շնորհիվ:

7 Սթիվ Քերել

Սթիվ Քերելն այս տարի առաջին անգամ ընդգրկվել է ամենաբարձր վարձատրվող դերասանների ցանկում: Այս տարի նա գլխավոր դեր խաղաց «Անհավանական Բերթ Վանդերսթոունը» կինոնկարում:

8 Ջենիֆեր Էնիսթոն

Այնպիսի տպավորություն է՝ ասես Ջենիֆեր Էնիսթոնի մոտ երկրորդական դերերն ավելի լավ են ստացվում: Իբրև երկրորդական դերի դերասանուհի նա նպաստեց «Սարսափելի ղեկավարները» ֆիլմին 210 մլն դոլարի շահույթ ունենալուն, մինչդեռ «Ճանապարհորդելու տարերքը» ֆիլմը, որտեղ Էնիսթոնը գլխավոր դերում էր հանդես գալիս, միայն 20 միլիոն դոլարի եկամուտ բերեց: Հենց այդ կինոնկարի շնորհիվ էլ, Էնիսթոնին հաջողվել է գրավել այս ցուցակի ութերորդ հորիզոնականը: Էնիսթոնը միայն ֆինանսական օգուտներ չքաղեց այս կինոնկարից: Կինոնկարի նկարահանման ժամանակ նա հանդիպեց Ջասթին Թերուին, ում հետ սիրավեպ սկսվեց:

9 Մեթ Դեյմոն

Ժամանակին, երբ Մեթ Դեյմոնը խաղում էր Ջեյսոն Բորնի դերը, նա գլխավորում էր ամենաբարձր վարձատրվող աստղերի ցուցակը: Սակայն, այժմ նա հայտնվեց ցուցակի ամենաստորին հորիզոնականներում:

10 Ռայան Ռեյնոլդս

«Կանաչ լապտեր» և «Ուզում եմ, ինչպես դու» կինոնկարներն այնքան մեծ հաջողություն չունեցան, որքան ակնկալվում էր: Թերևս հենց այդ պատճառով էլ Ռայան Ռեյնոլդսը հայտնվել է այց ցուցակի ամենավերջին հորիզոնականում:

Աղբյուրը՝ Ավելի քան փաստեր