Ջասթին Բիբերը հայտարարել է, որ ավարտելու է երաժշտական կարիերան` իր հերթական ալբոմի թողարկումից հետո: Այս մասին նա հայտնել է ամերիկյան Power 106 ռադիոկայանը տված հարցազրույցի ժամանակ: Բիբերը պատմել է իր ծրագրերի մասին և նշել, որ ցանկանում է «անհետ հեռանալ երաժշտական արդյունաբերությունից»:
«Նոր ալբոմից հետո ես պատրաստվում եմ հեռանալ: Ինձ անհրաժեշտ է դադար: Մտածում եմ, որ հնարավոր է ես հեռանամ երաժշտությունից ամբողջովին»,- նշել է մենակատարը:
Բիբերը չի պատասխանել այն հարցին, թե ինչպես է կոչվելու նրա նոր ալբոմը և թե երբ է թողարկվելու այն: Ջասթին Բիբերի վերջին ալբոմը «Believe» վաճառքի է բերվել 2012 թվականի հունիսին: Ալբոմը առաջին իսկ շաբաթը հայտնվել է Billboard Hot 100 աղյուսակի երկրորդ տեղում:
Ընդհանուր առմամբ Բիբերը երեք ալբոմ է ձայնագրել «My World 2.0», «Under The Misletoe» և «Believe»: 2012 և 2013 թվականներին երգիչը հանդես է եկել «Believe Tour» համաշխարհային շրջագայությամբ:
Կանադացի փոփ և R’n’B երգիչ Ջասթին Բիբերը սկսել է իր երաժշտական կարիերան 12 տարեկան հասակում: Մենակատարը ճանաչում է ձեռք բերել իր ելույթների երաժշտական տեսագրությունների միջոցով:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
