«Հրապարակը» գրում է. «Հետաքրքիր զուգադիպությամբ, շաբաթ օրը և ԵԿՄ-ն է համագումար հրավիրել, և ԲՀԿ-ն։ Ավելին՝ խոսակցություն կար, որ ԲՀԿ համագումարը լինելու էր ժամը 12-ին, սակայն տեղափոխվել է ԵԿՄ-ի ժամին՝ 11-ին։
ԲՀԿ նախորդ համագումարը, որը հրավիրվել էր Մարզահամերգային համալիրի մեծ դահլիճում, ինչպես կասեր «Մուլտի գրուպի» կառավարիչ Սեդրակ Առուստամյանը, «գրանդիոզ» միջոցառում էր։ «ՍՈւ-35»-եր էին «թռչում»՝ ցուցանելու համար ԲՀԿ հզորությունը։ Այս անգամ ԲՀԿ-ն «տնեցիներով», համեստ հավաքվելու է «կանյաչնիում», որևէ-մեկին հրավերք չի ուղարկել, որովհետև «որևէ մեկը» հասկացրել է, որ չի գալու, այլ գնալու է ԵԿՄ համագումար։
Չնայած շատերն ասում են՝ ԲՀԿ-ի «լուռն» ավելի վտանգավոր է, քան «աղմուկը»։ Ինչ վերաբերում է ԵԿՄ համագումարին, այն անցկացվելու է ՄՀՀ փոքր դահլիճում, ինչպես ասացինք, հրավիրված են Սերժ Սարգսյանը, ԼՂ նախագահ Բակո Սահակյանը, ՀՀ և ԼՂՀ պաշտպանության նախարարները, ՀՀԿ-ական վերնախավը։ Չի հրավիրված միայն Աժ պատգամավոր Հրանտ Գրիգորյանը՝ Մանվել Գրիգորյանի եղբորորդին, որի հետ վաղեմի հակասություններ ունեն։ Ի դեպ, ասում են՝ ԵԿՄ համագումարում այլ հետաքրքիր դեմքեր էլ են լինելու»։
Մանրամասները՝ թերթի այսօրվա համարում։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
