«Ակտոբե» ֆուտբոլային ակումբ տեղափոխվեց հայկական հավաքականի կիսապաշտպան Ռոբերտ Արզումանյանը: «Sports.kz»-ն հարցազրույց է անցկացրել նրա հետ: Ստորև ներկայացնում ենք հարցազրույցից հատվածներ:
-Ձեր կարծիքով վերջին տարիներին ի՞նչն էր պատճառը, որ Հայաստանի հավաքականը նման առաջընթաց ունեցավ:
-Մեզ մոտ հավաքվել են երիտասարդ, նպատակասլաց և լավ խաղացողներ, որոնք չեն վախենում խաղալ գեղեցիկ հարձակվողական ֆուտբոլ: Բացի այդ, երիտասարդ և լավ մարզիչ ունենք, որը գիտի` ինչպես հասնել հաջողության:
-Ինչպե՞ս առաջացավ «Ակտոբե» ֆուտբոլային ակումբում խաղալու առաջարկը և քանի՞ տարով եք պայմանագիր կնքել:
-Պայմանագիրը կնքել ենք 2 տարով: Գիտեի, որ նրանք հետաքրքրված էին ինձանով, ինչպես նաև գիտեի, որ այս ֆուտբոլային ակումբում հավաքվել են լավ խաղացողներ, որոնք մի նպատակ ունեն` Եվրոպայի մրցաշարում հաջող խաղ ցույց տալ, այդպիսով համաձայնեցի:
-Կա կարծիք, որ «Ակտոբե» ֆուտբոլային ակումբի երկրպագուները շատ նվիրված են իրենց թիմին: Կցանկանայի՞ք ինչ-որ բան մաղթել նրանց:
-Այո, դրա մասին լսել եմ խաղացողներից և ծանոթներից: Շատ լավ է և կարևոր, որ թիմը ունի նվիրված երկրպագուներ: Նրանց միայն հաղթանակներ եմ մաղթում մեզ հետ միասին: Մենք ամեն ինչ կանենք երկրպագուներին չհիասթափեցնելու համար:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
