ՀՀԿ խմբակցության ղեկավար Գալուստ Սահակյանը լուրջ չընդունեց ԲՀԿ խմբակցության այն հայտարարությունը, որ եթե չընդունեն Կառավարության անվստահության հարցը, ապա իրենց օրերը հաշված են։
«Եսա գալիս ենք, ուրեմն հաշվել չգիտեն»,-իր խոսքում ասաց Գալուստ Սահակյանը:
Դիտարկմանը, թե ԲՀԿ-ից ասում են, որ պատրաստ են ռադիկալ քայլերի, նա նշեց. «Երևի ռադիկալ բառի իմաստը լավ չեն հասկացել: Ի՞նչ անենք, սովորեցնենք, թե ինչպիսի քայլեր պետք է անել»:
Հարցին, թե չի կարծում, որ Գագիկ Ծառուկյանը կգնա ռադիկալ քայլերի ու մարդկանց փողոց կհանի, Սահակյանը կատակեց. «Չեմ հասկանում՝ ինչ քայլերի մասին է խոսքը: Ընկճվեցի, վատ զգացի, կմտածեմ կպատասխանեմ»:
Խոստացած ռադիկալ քայլերը, ըստ Գալուստ Սահակյանի, թյուրիմացություն են. «Երևի բառի իմաստը չեն հասկացել։ Տժվժիկը ո՞վ էր գրել... լավ ստեղծագործություն է»։
Հիշեցնենք, որ «Բարգավաճ Հայաստան» խմբակցությունը զգուշացնում է իշխանություններին՝ ապրիլի 28-ին ընդունել Կառավարության հրաժարականը, չօգտագործել «կոճակային» պատգամավորների առավելությունը՝ հակառակ դեպքում խոստանում են բարիկադներ և ցնցումներ, այս մասին այսօր ԱԺ ճեպազրույցների ժամին հայտարարեց ԲՀԿ խմբակցության պատգամավոր Վահան Բաբայանը։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
