Երգչուհի Անահիտ Սիմոնյանն իր ֆեյսբուքյան էջում վիրավորական արտահայտություններով դիմել է Անի Քոչարին.
«Չի կարելի ֆոտոշոփով մարդուն գեշացնել ու ներկայացնել որպես հին նկար։ Մեղք ես, գնա հոգեբուժարան….»:
Խոսքը վերաբերում է esem.am -ի «Տարիների՞, թե՞ ֆոտոշոփի ազդեցությունը հայտնիների արտաքինի վրա :) » խորագիրը կրող հրապարակման, որում ընդգրկված էր նաեւ Անահիտ Սիմոնյանը:

LoveYou.am-ը կապ հաստատեց Անի Քոչարի հետ, ով այժմ ինչ-ինչ պատճառներով Հայաստանի Հանրապետությունում չէ, ստանալու նրա մեկնաբանությունը, Անին պատասխանեց.
«Ես որեւէ կապ չունեմ, պարզապես ծիծաղելի է: Նկարն էլ վստահաբար ֆոտոշոփ չէ», -ասաց նա:
Անիի առավել մանրամասն մեկնաբանությունը մի փոքր ուշ:
Հիշեցնենք, որ Անահիտ Սիմոնյանն ու Անի Քոչարը դեռ նախկինում էլ տարաձայնություն են ունեցել Անի Քոչարի ամսագրի «Ինտելեկտուալ հարցաթերթիկ» խորագրի պատճառով: Անահիտ Սիմոնյանը լրացնելով այն, չէր պատասխանել, թե որ աշխարհամարտի ժամանակ է տեղի ունեցել Հայոց եղեռնը: Թեև լրացված հարցաթերթիկը տպագրվել էր ամսագրում, որոշ ժամանակ անց այն տեղ էր գտել նաև Անի Քոչարի կայքում, ինչն էլ մեծ աղմուկ էր բարձրացրել համացանցում, և շատ օգտատերեր քննարկման էին դրել Անահիտ Սիմոնյանի ինտելեկտը:
Տեղեկացնենք նաև, որ քիչ առաջ Անահիտ Սիմոնյանը ֆեյսբուքյան իր էջում տեղադրել է Անի Քոչարի լուսանկարը և մակագրել այն.
«Գեղեցկուհի, քեզ նույնիսկ ֆոտոշոփը չի փրկի»: