«Ղարաբաղյան պատերազմի վետերանների միության» բոլոր կամավորականների անունից ջերմորեն շնորհավորում եմ Տավուշի մարզի հարավային սահմանները պաշտպանող զորամասի ողջ անձնակազմին` զորամասի տարեկան տոն օրվա և կազմավորման 14-րդ տարեդարձի առթիվ:
Սիրելի' զինվորներ և սպաներ, վերջին օրերին, երբ հակառակորդը դիմեց մեր ընկերների արյունով նվաճված մայիսյան հաղթական զինադադարից ի վեր նախադեպը չունեցող զինված ոտնձգությունների, ձեր պաշտպանած անտառապատ լեռներում մենք դարձանք զենքի ընկերներ ու միասին դիմադարձեցինք հայ ժողովրդի չարակամների նենգ մտադրություններին:
Մենք ամուր կանգնած ենք ձեր թիկունքին, Տավուշում մեր միության շտաբն այսօր էլ շուրջօրյա հերթապահություն է իրականացնում, ու եթե հակառակորդը չյուրացնի անցած օրերի դասերը, չհասկանա հայոց հողը պաշտպանած սերունդների` հայ կամավորականի ու հայ զինվորի միասնականությունը, ղարաբաղյան պատերազմի վետերանները վերստին խրամատներում ձեր կողքին կլինեն:
Բոլորիդ մաղթում եմ խաղաղ ծառայություն, յուրաքանչյուր ոտնձգության իսկույն արժանի հակահարված տալու հաստատակամություն, առողջություն ու երջանկություն:
Բարին ընդ ձեզ:
«Ղարաբաղյան պատերազմի վետերանների միության»
նախագահ Յուրի Միքայելյան
Նյութի աղբյուրը՝ YerevanNews.am Երևան Նյուզ լրատվական կայք
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
