Oգոստոսի 21-ին, Գերմանիայի Քիլ քաղաքում, հայ պրոֆեսիոնալ բռնցքամարտիկ գերմիջին քաշային կարգում WBO վարկածով աշխարհի չեմպիոն Արթուր Աբրահամը (40-4, 28 նոկաուտ) մամլո ասուլիսի ձևաչափով հանդիպել է իր մրցակցի` բրիտանացի Փոլ Սմիթի (35-3, 20 նոկաուտ) հետ: Այս հայտարարությունը տարածել է Արթուր Աբրահամի հայաստանյան մամլո խոսնակը:
"Նախկինում այստեղ` Քիլ քաղաքում, միայն հաղթանակներ եմ տոնել: Սա կլինի իմ չորրորդ մենամարտը և չորրորդ հաղթանակը Քիլում: Լավ կլինի, եթե մենամարտին Սմիթի շատ երկրպագուներ այցելեն. անգլիացի երկրպագուները միշտ բարձր տրամադրություն են ստեղծում, նույնիսկ երբ գիտեն` իրենց մարզիկը պարտվելու է",- մամլո ասուլիսի ժամանակ ասել է 34-ամյա Արթուր Աբրահամը:
31-ամյա Փոլ Սմիթն իր հերթին ընդգծել է, որ ինքն ունի ճանապարհորդել սիրող բազմաթիվ երկրպագուներ եւ նրանք Քիլում կլինեն, երբ ինքն աշխարհի չեմպիոն դառնա:
Հիշեցնեմ, որ Արթուր Աբրահամը եւ Փոլ Սմիթը կմենամարտեն սեպտեմբերի 27-ին, Գերմանիայի Քիլ քաղաքի "Սպարկասսեն" մարզապալատում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
