«Հրապարակ» թերթը գրում է.
«Կառավարությունում սպասվող հրաժարականների թեմայի շրջանակում հիմա էլ խոսվում է կառավարության աշխատակազմի ղեկավար-նախարար Դավիթ Հարությունյանի հրաժարականի մասին: Ռեա՞լ է դա, թե՞ Դավիթ Հարությունյանի «թշնամիների» ցանկությունն է, պարզ կդառնա առաջիկայում, բայց կուլիսներում խոսվում է, որ Հարությունյանից ազատվելու ցանկությունը Սերժ Սարգսյանի մոտ է առաջացել և այն պահից, երբ նա կառավարությունում ընդարձակել է իր լիազորությունները:
Ի դեպ, վերջին օրերին խոսվում էր նաև էկոնոմիկայի նախարար Կարեն Ճշմարիտյանի պաշտոնանկության մասին, և, ըստ լուրերի, նախատեսվում է այդ կառույցը միավորել ֆինանսների նախարարության հետ: Համենայնդեպս, այդպես է ուզում նախարար Գագիկ Խաչատրյանը: Սակայն կառավարության մեր աղբյուրները վստահեցնում են, որ դա առաջիկա օրերի հարց չէ, քանի որ այդ միավորման արդյունքում անհրաժեշտություն կառաջանա սուպեր կառույցից առանձնացնել որոշ տեսչություններ»:
Ավելի մանրամասն կարդացեք թերթի այսօրվա համարում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
