Նախօրեին գործարար Լևոն Հայրապետյանի առողջական վիճակը վատացել է և նրան տեղափոխել են հիվանդանոց: Այս մասին հայազգի գործարարի անձնական բժիշկ Հենրի Բակունցը հայտնել է «Արցախն այսօր» տեղեկատվական կենտրոնին: Նշենք նաև, որ Հայրապետյանը գտնվում էր տնային կալանքի տակ:
Բժիշկը մասնավորապես ասել է. «Նա չպետք է փակված մնա: Նրա պես հիվանդները պետք է անցնեն ստացիոնար բուժում»:
Լևոն Հայրապետյանը քաղցկեղ ունի, սրտի հետ խնդիրներ, բարձր ճնշում ու շաքարային դիաբետ:
Հիշեցնենք նաև, որ օրերս Մոսկվայում տեղի է ունեցել տնային կալանքի տակ գտնվող Լևոն Հայրապետյանի մասին պատմող «Կալանված ազատություն» վավերագրական ֆիլմի պրեմիերան: