«Հայկական ժամանակ» թերթը գրում է. «Անցած տարվա հոկտեմբերին ՀՀ էկոնոմիկայի նախարար Կարեն Ճշմարիտյանը և ԱԺ տնտեսական հարցերի մշտական հանձնաժողովի նախագահ Վարդան Այվազյանը հայտարարեցին, թե ԵՏՄ-ից ներմուծված ապրանքներից սահմանին ԱԱՀ չի գանձվելու:
Ընդ որում՝ երկուսն էլ դա հայտարարում էին մեծ խանդավառությամբ եւ ներկայացնում էին որպես Հայաստանի՝ ԵՏՄ-ին անդամակցելու խիստ դրական ազդեցություն: Սա բավականին ոգեւորել էր մեր գործարարներին, որովհետեւ սահմանի վրա վճարվող ԱԱՀ-ն հենց «գլխանց» 20 տոկոսով թանկացնում է նեկրվող ապրանքի գինը և ստիպում ներմուծողներին հսկայական գումարներ սառեցնել երկար ժամանակով:
Երեկ, սակայն, ՀՀ ֆինանսների փոխնախարար Վ.Միրումյանը հօդս ցնդեցրեց այդ ոգևորությունը: «ԵՏՄ երկրներից ներկրվող ապրանքներից սահմանի վրա ԱԱՀ չի գանձվելու: Ներմուծողը այդ գումարը վճարելու է մինչեւ ներմուծմանը հաջորդած ամսվա 20-ը: Այսինքն՝ նախկին 10 օրը փոխարինել է մինչեւ 50 օրով», - մեր հարցին ի պատասխան՝ ասաց Միրումյանը: Այլ կերպ ասած՝ ոչինչ չի փոխվել: ԱԱՀ-ն էլի գանձվելու է «գլխանց», ուղղակի մի քանի օր ուշացումով: ԵՏՄ-ին ՀՀ անդամակցության այլ «դրական» ազդեցությունները կբացահայտվեն հընթացս»։
Առավել մանրամասն՝ թերթի այսօրվա համարում
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
