Այսօր՝ հունվարի 31-ին ժամը 13:00-14:00-ի սահմաններում ՊԲ առաջապահ ստորաբաժանումները դիմել են պատժիչ գործողությունների հայտնել է ԼՂՀ ՊՆ մամլո ծառայությունը:
Հաղորդագրության մեջ նշված է եղել, որ արդյունքում շփման գծի արևելյան ուղղությամբ շարքից հանվել է հակառակորդի 2 դիրք և մեկ մարդատար ավտոմեքենա: Նույն ուղղությամբ մեկ այլ հատվածում խփվել է հակառակորդի առնվազն 2 զինվոր:
Ադրբեջանական կողմն այդ լուրը որակել է որպես «ապատեղեկատվություն», սակայն նշել է, որ Խոջավենդիի հատվածում հայկական կողմը ժամը 12:55-ի սահմաններում խախտել է հրադադարի ռեժիմը, որի ժամանակ արձակված գնդակի անդրադարձման հետևանքով զոհվել է հենակետում ծառայություն իրականացնող զինծառայող Էշգին Ալլահվերդիևը:
Ադրբեջանական հաղորդագրության մեջ նշվում է նաև, թե հունվարի 31-ին ժամը 15:00-ի սահմաններում հայկական դիվերսիոն խումբը Ղազախի հատվածում փորձել է իրականացնել դիվերսիոն հարձակում, սակայան դեռևս ականապատ միջդիրքային գոտում «հայտնաբերվել և ամբողջությամբ ոչնչացվել է»։
ՀՀ ՊՆ մամուլի խոսնակ Արծրուն Հովհաննսիյանն արձագանքել է այս պնդմանը՝ ֆեյսբուքյան իր էջում ադրբեջանական կողմին հարցնելով թե որտե՞ղ են հայ դիվերսանտների դիակները։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
