Տաշիր քաղաքի բնակչուհի Զոյա Մկրտչյանի՝ 2014 թվականի հունվարի 27-ին տեղի ունեցած սպանության դեպքի առթիվ Լոռու մարզային վարչության վարույթում քննվող քրեական գործի շրջանակներում բացահայտվել են կատարված սպանության մի շարք հանգամանքներ, առերևույթ հանցագործություն կատարած անձի ինքնությունը։
Ձեռնարկված քննչական և օպերատիվ-որոնողական միջոցառումների արդյունքում Զ.Մկրտչյանի սպանությունը կատարելու կասկածանքով այսօր ձերբակալվել է Լոռու մարզի բնակիչ Արմեն Խանաղյանը։
Հիշեցնենք, որ 1952թ. ծնված Զ.Մկրտչյանի դին հայտնաբերվել է 2014 թվականի հունվարի 27-ին՝ ժամը 21։30-ի սահմաններում, Տաշիր քաղաքում գտնվող իր բնակարանում՝ բռնության հետքերով։
Նախաքննությունը շարունակվում է, միջոցներ են ձեռնարկվում՝ դեպքի հանգամանքների բազմակողմանի և լրիվ հետազոտումն ապահովելու ուղղությամբ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
