Մայիսի 13-ին Երևանի Ս. Զորյանի անվան թիվ 56 դպրոցում կայացավ ՀՀ պաշտպանության նախարարության, ՀՀ-ում ԱՄՆ դեսպանատան, «Dasaran» կրթական ծրագրի և «Նոր սերնդի դպրոց» հասարակական կազմակերպության համատեղ մշակած «Ես գիտեմ» ինտելեկտուալ-կրթական խաղի շնորհանդեսը:
Արարողությանը մասնակցում էին ՀՀ պաշտպանության նախարար Սեյրան Օհանյանը, պաշտպանության նախարարի առաջին տեղակալ Դավիթ Տոնոյանը, ԿԳ փոխնախարար Մանուկ Մկրտչյանը, ՀՀ-ում ԱՄՆ դեսպան Ռիչարդ Միլսը, Երևանի քաղաքապետարանի հանրակրթության վարչության պետ Գայանե Սողոմանյանը, Մայր Աթոռ Սուրբ Էջմիածնի Քրիստոնեական դաստիարակության կենտրոնի տնօրեն Վարդան Եպիսկոպոս Նավասարդյանը և այլք:
«Ես գիտեմ» ինտելեկտուալ-կրթական խաղը նոր համալրում է ՀՀ քաղաքացիների իրավունքների ճանաչմանն ուղղված կրթական ռեսուրսների շարքում: Ապագա զորակոչիկների համար այն ապահովում է գիտելիքներ բանակում իրենց իրավունքների պաշտպանության համար: Ինտելեկտուալ-կրթական նոր խաղի միջոցով դպրոցականները և բոլոր նրանք, ովքեր ցանկանում են ստուգել իրենց գիտելիքները, հնարավորություն կունենան ծանոթանալու զինված ուժերում գործող իրավական կանոնակարգերին և ճանաչելու ՀՀ օրենսդրությամբ սահմանված իրենց իրավունքները:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
