Քրեական ոստիկանության միջազգային կազմակերպությունը (Ինտերպոլ) հայտարարել է Ֆուտբոլի միջազգային ֆեդերացիայի (ՖԻՖԱ) հետ համագործակցությունը դադարեցնելու մասին, նշվում է Ինտերպոլի պաշտոնական հայտարարությունում։
Պատճառը ՖԻՖԱ-ի դեմ ԱՄՆ-ի եւ Շվեյցարիայի իրավապահ մարմինների կողմից իրականացվող հետաքննությունն է:
2011թ. մայիսին ՖԻՖԱ-ն ու Ինտերպոլը կնքել էին պայմանավորված հանդիպումների մոնիտորինգի մասին համաձայնագիր։ Ծրագիրը պետք է շարունակվեր մինչեւ 2021-ը։
Ծրագրի ստեղծման եւ զարգացման համար Ինտերպոլը ՖԻՖԱ-ից ստացել էր 20 միլիոն դոլար, որի օգտագործումը կդադարեցվի։
ՖԻՖԱ-ի պատմության մեջ խոշորագույն կառուպցիոն սկանդալի բարձրակետը եղավ կազմակերպության յոթ բարձրաստիճան պաշտոնյաների ձերբակալությունը մայիսի 27-ին Ցյուրիխում։ Սպասվում է, որ նրանք կարտահանձնվեն ԱՄՆ-ին։
Շվեյցարիայի ոստիկանությունը եւս քրեական գործեր է հարուցել աշխարհի առաջնության անցկացման երկրի ընտրությունների ժամանակ փողերի լվացման կասկածով։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
