«Ժողովուրդ» օրաթերթը գրում է. ««Ժողովուրդ»-ի՝ օգոստոսի 12-ի՝ «Գեղարքունիքի մարզում անտառը հատում են» հրապարակումից հետո ՀՀ բնապահպանության նախարարությունը պարզաբանում է հրապարակել, որով փորձել է արդարացնել Կարճաղբյուր գյուղում իրականացող ծառահատումները և հայտնել, որ իրականացվող ծառահատումները ապօրինի չեն:
Մինչդեռ մեր հրապարակման մեջ որևէ պնդում չի եղել, որ ծառահատումները ապօրինի են: Դրանք իրականացվում են ինչ-որ փաստաթղթի հիման վրա, որով ծառերը հատվում են, իսկ ինչ-որ մարդիկ դրա հաշվին՝ հարստանում:
ԲՆ-ն պարզաբանել է նաև, թե իբր ծառահատումը թույլատրել է. «ՀՀ պաշտպանության նախարարության կողմից ներկայացվել է հիմնավորում. որ ծառերը խանգարել են զորամասի ռազմական որոշ տեխնիկաների աշխատանքներին, և դրանք հատելու անհրաժեշտություն է առաջացել, ինչը և բավարարվել է ԲՆ-ի կողմից: Հատումները կատարվել են թույլատվությամբ նախատեսված ժամկետներում և չափաքանակով»:
Սակայն խնդիրն այն է, որ ծառերը և զորամասը երկար տարիների «հարևաններ» են, և այդ ինչ խնդիր է ի հայտ եկել, որը մեկ, երկու կամ տասը տարի առաջ չի եղել, առավել ևս, որ զորամասն ու հատվող ծառերը դիմացի մայթերում են: Ավելի լավ կլինի՝ ՀՀ բնապահպանության նախարար Արամայիս Գրիգորյանը խոստովանի, որ «վիզ փող է պետք եղել»»:
Մանրամասները` թերթի այսօրվա համարում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
