Ինչպես արդեն հայտնել ենք, օգոստոսի 13-ին, ժամը 23.15-ին, «Նիսան Մարչ» մակնիշի ավտոմեքենայի վարորդը Երևանի Խանջյան փողոցի «Վերնիսաժ» տոնավաճառի դիմաց վրաերթի է ենթարկել 16-ամյա աղջկա:
Ոստիկանության մամուլի ծառայությունից հայտնում են, որ վթարի հետեւանքով աղջիկը, շպրտվելով հանդիպակաց ուղեմաս, վրաերթի է ենթարկվել հանդիպակաց ուղեմասով ընթացող «Դաիհատսու» մակնիշի ավտոմեքենայի կողմից և մարմնական վնասվածքներով տեղափոխվել հիվանդանոց:
YerevanNews.am-ին փոխանցեցին, որ սիրիահայ աղջիկը դեռ գիտակցության չի եկել, վիճակը ծանչր է, բավականաչափ արյուն է կորցրել, հարկավոր է օգնություն։
Նշենք, որ աղջիկն այստեղ ապրում էր եղբոր հետ, ծնողները Հալեպում են գտնվում։
