Վրաստանի Դուշետի մարզաառողջարանային բնակավայրից Հայաստան է վերադարձել ազատ ոճի ըմբշամարտի Հայաստանի հավաքականը:

Հավաքականի գլխավոր մարզիչ Արայիկ Բաղդադյանի փոխանցմամբ՝ Լաս Վեգասում սեպտեմբերի 7-12-ին կայանալիք վարկանիշային աշխարհի առաջնության նախապատրաստական նախավերջին ուսումնամարզական հավաքն անցել է շատ բարձր մակարդակով:

Օգոստոսի 30-ին հավաքականը կմեկնի Լաս Վեգաս և այնտեղ էլ կանցկացնեն վերջին տասնօրյա հավաքը:

Իսկ ԱՄՆ կմեկնի 7 ըմբիշ. 

Գարիկ Բասեղյանը (57կգ),

Վոլոդյա Ֆրանգուլյանը (61կգ),

Դավիթ Սաֆարյանը (65 կգ),

Գրիգոր Գրիգորյանը (74 կգ),

Մուսա Մուրթազալիևը (86 կգ),

Էդգար Ենոքյանը (97 կգ),

Լևան Բերիանիձեն (125 կգ):

Հայաստանը աշխարհի առաջնությունում ներկայացուցիչ չի ունենա միայն ոչ օլիմպիական 70 կգ քաշային կարգում:

Նյութի աղբյուրը՝ wrestling.am