Ադրբեջանում ԱՄՆ դեսպան Ռիչարդ Մորնինգսթարը հանդիպել է ժողովրդավարական շարժման ակտիվիստների հետ և նշել, որ ինքը անհանգստացած է այս տարվա ցույցերին ադրբեջանական իշխանությունների արձագանքից: Այս մասին նշում է BBC գործակալությունը: 
Դեսպանը խստորեն դատապարտել է Նիդա շարժման յոթ ակտիվիստների ձերբակալությունը:
«Ես մասնավորապես հիասթափվել էի` լսելով ադրբեջանական իշխանությունները փակել են Ազատ մտքի համալսարանը»,- նշել է Մորնինգսթարը և ավելացրել, որ ադրբեջանական իշխանությունները պետք է թույլ տան քաղաքացիներին արտահայտելու իրենց դժգոհությունները:
Ադրբեջանի գլխավոր դատախազությունը հերքել է համալսարանի փակման լուրերը, սակայն նշել, որ իր աշխատակիցները բռնագրավել են փաստաթղթեր:
Համալսարանի հիմնադիրները հաստատել են, որ իրենք ոչ մի կապ չունեն որևէ շարժման հետ:
Հիշեցնենք, որ Նիդա շարժման յոթ ակտիվիստներ են ձերբակալվել, որոնք մեղադրվում են թմրամիջոցներ և ռազմամթերքի յուրացման մեջ, որի հաստատման դեպքում վերջիններիս սպասվում է հինգից ութ տարվա ազատազրկում:
Այս տարի արդեն մի քանի մեծ բողոքի ակցիաներ է կազմակերպվել Ադրբեջանի փողոցներում: Մարդու իրավունքների պաշտպան կազմակերպությունները բազմիցս քննադատել են Իլհամ Ալիևի իշխանությունների կողմից տարվող այլախոհությունը լռեցնելու և լրագրողներին հետապնդելու քաղաքականությունը:
Մայրաքաղաք Բաքվում արդեն երկու անգամ բազմահազարանոց հանրահաքներ են եղել կապված բանակում սպանությունների թվի աճի հետ: Ոստիկանությունը ցրել է այդ հանրահավաքները` օգտագործելով ռեզինե մահակներ և ջրցան մեքենաներ:
Իշխող կուսակցության բարձրաստիճան պաշտոնյաները բազմիցս քննադատել են երիտասրադ ակտիվիստների կողմից սոցցանցերում բացված էջերը` վերջիններիս անվանելով «ծայրահեղականներ»: